PROXECTO "O NOSO CORPO"

Este primeiro trimestre do curso de ciencias naturais dedicámolo a desenvolver un proxecto sobre 

O CORPO HUMANO. Avisovos que este post vai ser moi longo, pero son moitas as actividades que

levamos a cabo, e quero contarvos todo. Espero que vos guste tanto como a nós na clase!

Para desenvolver este proxecto na clase, estruturámolo en 3 grandes bloques:

Como estamos no exterior: partes do corpo, medidas...

Como estamos dentro: sistema locomotor, circulatorio, respiratorio e dixestivo.

Aprendemos a coidarnos: costumes para unha vida saudable e profesionais da saúde.

Como sempre cando comezamos un proxecto, o primeiro que fixemos foi coñecer as ideas previas que tiñan

os nenos sobre algúns dos contidos que íamos traballar. Facemos 3 preguntas: que sabemos? 

Que queremos saber? e onde conseguimos a información? Estas foron as súas achegas:

Preguntamos tamén qué ideas tiñan sobre o que tenemos no noso corpo por

fora e por dentro, e para qué sirve cada unha desas partes do corpo. 

Estas foron as súas respostas:

Aparello locomotor:

Grazas a varios compañeiros puidemos ver a través de raios X como é o noso

esqueleto:

A través de actividades TIC, crebacabezas, vídeos, cancións e fichas aprendemos que

no aparello locomotor atopamos: ósos, músculos e articulacións.

   

     

Dentro deste Proxecto Corpo Humano, dedicamos unha sesión do desdobramento 

lóxico-matemático a formular a seguinte pregunta: temos números no noso corpo?

Primeiro dixeron que non, pero despois comezaron a contar as partes do corpo:

temos 2 ollos, 1 nariz, 2 mans, 10 dedos nas mans, etc. Isto levounos a propoñer a 

resolución dun problema: "Se temos 10 dedos das mans e 10 dos pés, cantos dedos 

temos en total no noso corpo?" Ao que axiña responderon que 20, xogamos a 

estimar cantos dedos habería en total na aula e despois pasamos a calculalo.

Díxenlles que eses números eran iguais para todos, pero que había uns números 

diferentes para cada persoa: as nosas medidas. Así que poñemos un metro

no encerado branco. Medímonos por quendas e eles mesmos escribiron as súas 

propias medidas nunha táboa. Tamén anotamos outra medida: o número do pé.

Finalmente, todos fixemos un diagrama de barras para velo mellor.

  

Sistema respiratorio:

Investigamos na casa, na aula, miramos vídeos, fixemos fichas, xogos, creamos o

noso modelo do sistema respiratorio e mesmo fixemos a nosa capacidade de 

pensamento "as partes e o todo"

 

As partes e o todo:

Despois de coñecer que órganos e partes compoñen o sistema respiratorio e cales 

son as súas funcións, realizamos esta habilidade de pensamento.

Primeiro identificamos as partes que o compoñen e posteriormente repartimos un

organizador gráfico por equipo. Cada equipo analizou unha desas partes, que función

ten? E se nos faltara esa parte?

Unha vez rematado, cada grupo presentou as súas conclusións e puxémolas todas 

nun organizador xigante.

Unha vez feito isto, entre todos chegamos á conclusión de que todas as partes son 

importantes e necesarias, sen unha delas o noso sistema respiratorio NON

FUNCIONARÍA.

Finalmente, fixemos o proceso de metacognición para pensar no noso pensamento.

 

 

 

Sistema circulatorio:

Para estes tres últimos apartados dos aparellos contamos coa axuda de “Pepita”, o corpo humano do colexio, que fomos desmontando segundo o que nos interesaba ver.

 

Practicamos como tomar o pulso e sentir o latexo no noso propio pulso. Unha cousa que lles sorprendeu moito foi ver como é un corazón de verdade, porque pensaban que era como o que fan nos seus debuxos.

Fixemos unha tarxeta na que representamos as veas, as arterias e o corazón.

Sistema dixestivo:

Esta semana estamos vendo o funcionamento do aparello dixestivo que lles interesou moito, pois unha das dúbidas que xurdiron co sondeo de ideas previas foi que pasa cos alimentos dende que o mastigamos ata que o expulsamos.

CONTINUARÁ...