miércoles, 30 de noviembre de 2022
Trabajando la simetría
viernes, 18 de noviembre de 2022
Misión Madagascar II
Hoxe foi un día xenial, levábamos unha semana buscando sen parar ao amigo de Álex e Pascal que aínda estaba perdido, mesmo pegamos carteis para tentar dar con el, pero non atopamos a ninguén.
Cal foi nosa sorpresa cando a compañeira Bianca atopou a un mono (Monkey) sentado á porta da nosa clase e cunha carta entre os seus brazos.
Nela contábanos que era el a quen buscábamos, que levaba días no colexio pero que se equivocou de mochila e foi parar á clase azul no canto da laranxa, grazas a isto descubrimos que os nosos compañeiros de primeiro, tamén teñen unha misión e é parecida á nosa, só que eles teñen que levar ás súas mascotas a Xapón.
Entón decidimos xuntarnos os dous grupos e seguir xuntos nesta aventura, polo menos para investigar e chegar ata o aeroporto, despois os nosos amigos tomarán avións diferentes porque queren viaxar a distintos continentes.
viernes, 11 de noviembre de 2022
Misión Madagascar.
O mércores ao chegar a clase atopámonos cunha sorpresa moi especial, unha maleta, unha carta e un pequeno camaleón. Resulta que Pascal (así é como decidimos chamarlle) perdeuse e non sabía cal era o seu destino.
Despois de ler a carta, sacamos a conclusión de que viaxaba cara Madagascar e cunha choiva de ideas, decidimos que o mellor era levalo ata alí nun avión.
Pero hoxe a cousa complicouse un pouquiño xa que á nosa porta chegou un pequeno buho amigo do camaleón que levaba días na súa procura. Tamén traía unha carta na que contaba que Pascal nunca viaxara en avión xa que lle dá medo voar, polo que agora temos unha dobre misión, investigar moito sobre os avións para que o noso amigo perda o medo a este medio de transporte e levalo ao seu destino.
Álex, que así chamamos o Buho, tamén nos dixo que Pascal non viaxaba só, pero polo momento non atopamos a ninguén, teremos que seguir buscando ao amigo que continúa perdido.